Ditët e fundit, shumë zona të vendit kanë pasur reshje të vazhdueshme dhe të rrëmbyeshme shiu, që kanë sjellë edhe përmbytje.
Aktualisht, në ujë janë mbi 3300 banesa, 40 biznese, 10,200 hektarë tokë të përmbytura dhe afro 5,800 hektarë të tjerë me prani uji, kryesisht në Fier e Vlorë, sipas bilancit të fundit të raportuar nga Komiteti i Emergjencave Civile.
Megjithatë, ndoshta duke përftuar edhe nga kjo situatë, hajdutët kanë ‘hyrë në aksion’. Madje në fshatin Borizanë në Krujë është tentuar të vidhet posta.
Rastet e raportuara nga Policia
Krujë – Më datë 02.12.2017, gjatë natës, në fshatin Borizanë Krujë, është tentuar të vidhet Posta Shqiptare. Punohet për identifikimin e kapjen e autorëve. Nenet 134 e 22 të Kodit Penal.
Vorë – Më datë 02.12.2017, gjatë natës, në Vorë, është vjedhur pa thyerje banesa e shtetasit E.A, vjeç 33 ku kanë marrë 2 telefona tip “Samsung” dhe një sasi lekësh. Punohet për identifikimin dhe kapjen e autorit. Neni 134 i Kodit Penal.
Elbasan – Më datë 02.12.2017, gjatë natës, në fshatin Gjinar, janë vjedhur 50 m linear tubë plastik që shërben për furnizimin me uji të pijshëm të banesës në pronësi të shtetases D.P., vjeç 55. Punohet për identifikimin dhe kapjen e autorit. Materialet i kaluan Prokurorisë së Rrethit Gjyqësor Elbasan, për vlerësim.
Fier- Më datë 02.12.2017, gjatë natës, në lagjen “15 Tetori”, është vjedhur banesa e shtetasit B.B., vjeç 59, ku kanë marrë një sasi lekësh dhe eurosh. Punohet për identifikimin dhe kapjen e autorit. Neni 134 i Kodit Penal. Specialistët për Hetimin e Krimeve në Komisariatin e Policisë Fier, arrestuan në flagrancë shtetasin: -Astrit Lika, 25 vjeç, banues në lagjen “15 Tetori” Fier. Arrestimi i këtij shtetasi u bë pasi në vëndin e quajtur “Shatërvani” Fier, i ka vjedhur një çantë me 12 telefona celularë të riparuar të markave të ndryshme shtetasit H.D, 74 vjeç, banues në lagjen “1 Maji” Fier. U sekuestruan në cilësinë e provës materiale 12 telefonat celularë. Materialet i kaluan Prokurorisë pranë Gjykatës së Shkallës së Parë Fier për veprën penale “Vjedhja” parashikuar nga Neni 134 i Kodit Penal.
Vlorë – Më datë 02.12.2017, rreth orës 13:00, shtetasi Z.P., vjeç 78, banues ne Dukat Fshat, kallëzon se, më datë 27.11.2017, në Dukat Fshat, në banesë ku prej disa muajsh nuk banonte njeri, persona të paidentifikuar, i kanë vjedhur një komplet enësh gatimi metalike me vlere 10.000 lekë. Punohet për identifikimin dhe kapjen e autorit. Neni 134 i Kodit Penal.
Vlorë – Më datë 02.12.2017, gjatë natës, në lagjen “4 Heronjtë”, nga persona të paidentifikuar, janë vjedhur pjesët e mjetit tip “Volksvagen” filtri i ajrit, fenerët dhe baterinë, në pronësi të shtetasit G.H., vjeç 28. Punohet për identifikimin dhe kapjen e autorëve. Neni 134 i Kodit Penal.
