Operacioni policor ”Stuhia” çon në pranga dy persona si dhe shpallen në kërkim 3 të tjerë.
Këta persona janë arrestuar për vjedhje. Gjatë operacionit janë sekuestruar në cilësinë e provës materiale sendet që këta shtetas vidhnin.
Të arrestuarit janë:
Ardit Elezi, 21 vjeç, banues në Kamëz,
Adrian Prela, 19 vjeç, banues në Kamëz.
Si dhe u bë shpallja në kërkim e bashkëpunëtorëve të tjerë shtetasve :
M. Gj. ,34 vjeç, banues në Valis Kamëz, i dënuar më parë për veprën penale “Drejtim mjeti pa dëshmi”.
L. E.,28 vjeç, banues në Kamëz,
D. T., 22 vjeç, banues në Valias-Kamëz
Këta persona në bashkëpunim me njëri-tjetrin vidhnin sende të ndryshme, goma automjetesh me gjithë disqe, vegla pune dhe i shisnin ato në treg me qëllim përfitimi vlerash monetare.
Gjatë kontrollit të ushtruar në banesën e shtetasve Adrit Elezi dhe L. E., janë gjetur e sekuestruar në cilësinë e provës materiale sendet e vjedhura:
Goma automjetesh me gjithë disqe,
Trapan
Sharra
Çantë me vegla pune, si çelësa të llojeve të ndryshme
Si dhe u gjetën dhe sekuestruan në cilësinë e provave materiale mjetet që përdornin për realizimin e veprave penale:
Një armë zjarri pistoletë tip BERETTA,
4 fishekë model 7.65
2 maska
2 palë doreza
1 palë gërshërë dryn prerës,
1 xhup lëkure me ngjyrë të zezë
1 palë tuta me ngjyrë blu të errët me viza të bardha,
Në vijim të veprimeve hetimore rezulton se shtetasit L. E., dhe D. T., janë bashkëautorë të ngjarjes të ndodhur më datë 6 nëntor 2017, në rrugën “Bulevardi Blu”, ku dy persona te paidentifikuar nën kërcënimin e armës së dyshuar kanë tentuar të vjedhin kasafortën e një karburanti.
Policia po vijon punën për zbardhjen e plotë dhe dokumentimin ligjor e të tjera vjedhjeve që këta shtetas mund të kenë kryer.
Materialet iu referuan Prokurorisë së Tiranës për veprime të mëtejshme procedurale, për veprën penale të “vjedhjes së kryer në bashkëpunim, “mbajtje pa leje të armëve”.
