Emergjencat Civile të Kryeministrisë kane dale me nje deklaratë për situatën e permbytjeve ku bejne me dije se 10 banesa në Kamëz janë përmbytur. E bllokuar nga bora eshte rruga Bogë-Theth.
“Autostrada Tiranë- Durrës e bllokuar, rrëshqitje dheu në rrugën Tiranë-Ndroq. Prezencë uji në aksin Mjedë-Shkodër”.
Njoftim për gjendjen në vend si pasoje e motit me reshje
Mbi vendin tonë ka mbizotëruar mot me reshje mesatare dhe të larta shiu, të cilat priten të intensifikohen më 30 nëntor – 2 dhjetor në gjithë territorin e vendit.
Në Kryeministri është zhvilluar mbledhja e Komitetit të Koordinimit të Emergjencave Civile dhe Krizave, në nivel të Sekretarëve të Përgjithshëm, ku është diskutuar për punën e bërë për parandalimin e emergjencave, problematikat sipas fushave dhe detyrat për secilin institucion. Në vijim janë marrë këto masa:
✓ Janë bërë njoftime publike për nivelin e rrezikut dhe adresat e evakuimit
të mundshëm;
✓ Janë ngritur shtabet e emergjencës në të gjitha qarqet;
✓ Janë bërë inspektime të gjithanshëm në të gjitha nyjet kritike në vend, si
nga prefektët ashtu dhe nga drejtuesit e strukturave të tjera shtetërore;
✓ Janë kontaktuar kontraktorët privatë që kanë përgjegjësi në mirëmbajtjen
e rrugëve;
✓ Ka vazhduar puna për zhbllokimin e kanaleve kulluese në të gjithë vendin;
✓ Janë inspektuar dhe mbahen nën vëzhgim prurjet në lumenj dhe përrenj;
✓ Ka vazhduar puna për mirëmbajtjen dhe riparimin e problemeve në rrjetin
elektrik dhe atë të furnizimit me ujë.
