Analisti Fatos Lubonja ka reaguar në lidhje për festimet dhe simbolet që karakterizojnë festat e nëntorit. Ai tha se Patriotizmi nuk është vetëm vendosja e një flamuri, ndërsa e cilësoi Festën e Çlirimit si një festë të rëndësishme të komunistëve.
“Nuk mjafton flamuri për të treguar patriotizmin. Patriot është ai që kritikon veset e popullit. Në kohën e komunizmit nuk ishte festa tamam, fëmijët i merrnin me dhunë i vinin në rresht për të parakaluar, kurse 29 nëntori është një festë e rëndësishme e komunistëve.
Datën e vendosën vetë ata, nuk është se atë ditë iku gjermani i fundit. Rëndësia që i jepet 29 është më e madhe nga ç ‘meriton të jetë. Komunizmi nuk është vetëm një çlirim kombëtar por edhe marrja e një revolucioni problematik siç ishte komunizmi”, tha Lubonja, i ftuar në studion e News 24.
