Qyteti gjerman i Staufen është duke u ndarë në copëza. Qyteti i 8,100 banorëve, i vendosur në buzë të pyllit të zi, vendosi të investojë në energjinë gjeotermale në vitin 2007, duke synuar një të ardhme me energji të gjelbër. Por për fat të keq, ky vendim rezutoi negativ pasi shpimi nëntokësor shkoi gabim duke shkaktuar plasaritjen e qindra ndërtesave.
“Ne kemi qenë në regjimin e krizës për dhjetë vjet,” tha kryebashkiaku Michael Benitz për agjensinë e lajmeve DPA, raporton scan.
“Është një katastrofë e ngadaltë. Në kombinim me ujërat nëntokësore, kjo shtresë e tokës kthehet në çimento, duke zgjeruar shtresat dhe bën që toka që të ngrihet lartë”.
Në disa vende, qyteti i Staufen është rritur afërsisht 62 centimetra dhe është zhvendosur anash me 45 centimetra, duke shkaktuar plasaritjen e ndërtesave.
Dy shtëpi janë shkatërruar tashmë dhe qyteti ka frikë se disa ndërtesa të tjera do të duhet të shkatërrohen për të shmangur kolapsin aksidental.
Demolimet janë të domosdoshme pasi strukturat nuk janë duke u zhvendosur në mënyrë të njëtrajtshme.
Dëmet financiare në këtë qytet kanë qenë shumë të mëdha e madje ende nuk dihet se sa mund të shkojnë.
“Unë jam duke punuar në supozimin se ne do të luftojmë me këtë problem edhe për disa vite të tjera, ndoshta edhe dekada”, tha kryebashkiaku i Staufen.
Por për fat të keq, Staufen nuk është i vetmi8 komunitet që vuan si pasojë e shpimeve të pashpresa gjeotermike.
Gjeologët nga Freiburg kanë raportuar çështje të ngjashme që po ndodhin në qytetet e afërta, Boblingen dhe Rudersberg.
Pavarësisht nga kjo katastrofë serioze, Shoqata Gjeotermale gjermane me bazë në Berlin këmbëngul se përfitimet janë më të mëdha se rreziqet dhe se energjia gjeotermale mbetet një opsion i zgjuar dhe ekologjik.
