Eduart Kapri, kryebashkiaku i Pogradecit, përfaqësues i Partisë Demokratike, duket se ka habitur me qëndrimin e tij ndaj 29 nëntorit, që njihet zyrtarisht si dita e cclirimit të Shqipërisë.
Por kjo datë nuk njihet nga Partia Demokratike, e cila feston si pavarësinë ashtu edhe cclirimin më datën 28 Nëntor.
Zyrtarisht demokratët i zhvilluan dje edhe homazhet në varrezat e dëshmorëve, sikundër morën pjesë në veprimtaritë e organizuara për 105-vjetorin e pavarësisë.
“29 Nëntori, Dita e Çlirimit të Shqipërisë është një datë e lavdishme e historisë së popullit shqiptar pasi njihet si dita e çlirimit nga pushtuesit nazifashistë.
Kjo datë qëndron në histori si një lapidar i lartë në krah të 28 nëntorit, Ditës së Pavarësisë Kombëtare dhe është një fakt historik që është vulosur me luftën e gjakun e luftëtarëve.
Kryetari i Bashkisë, Eduart Kapri, dhe përfaqësues te administratës pranë Bashkisë Pogradec ishin të pranishëm sot në ceremoninë përkujtimore që u zhvillua në nder të Dëshmorëve të Kombit!
Pas fjalimit të rastit, Kapri bashkë me të pranishmit vendosën kurora me lule në nder të të rënëve, dhe vizituan muzeun, ku u njohën me foto dhe dokumenta që i përkasin periudhës të Luftës Nacional Çlirimtare”, thuhet në njoftimin zyrtar të Bashkisë së Pogradecit.
