Petrit Vasili, kryetar i Grupit të LSI, e ka kthyer shikimin sot nga Vlora, qyteti i vënë sot në vëmendjen e të gjithë shqiptarëve për shkak të ceremonive që po zhvillohen atje me rastin e 105-Vjetorit të Pavarësisë.
“Vlora nga ku kanë lindur vendime të mëdha, – shkruan Vasili, – që njerëzit e saj i kanë marrë, ka sot hapësirën më të ngushtë të mendimit, të impulseve universitare dhe të asaj hapesire shoqerore që do t’i shkonte asaj.
Vlora përmendet sot në mediat e të gjitha llojeve vetëm e vetëm për një shëtitore buzëdetit, Lungomare i thonë, e kanë identifikuar me një gjë kaq të vogël, kaq mediokre, kaq të varfër.
Asnjë ngjarje universitare, zhvillim shoqëror, rivleresim shkencor i pasurisë historike pafund të Vlorës, mjerisht vetëm e vetëm Lungomare. Përçmim i padrejtë, dëshpërues, minimalist….”përfundon Vasili.
