Një përplasje ka ndodhur mes dy deputetëve të PD-së gjatë një takimi me anëtarët e partisë në Shkodër.
Siç bëhet e ditur, gjatë një mbledhje të grupseksionit ”Rrethina” të PD-së Shkodër, deputeti Romeo Gurakuqi ka deklaruar para anëtarëve se pavarësisht situatës së vështirë që po kalon qeveria, është evidente se Partia Demokratike nuk është e aftë të marrë pushtetin dhe qeverinë.
Por ky deklarim i Gurakuqit ka shkaktuar një reagim të ashpër të të pranishmëve në sallë.
Është dashur ndërhyrja e deputetit tjetër të PD-së Bardh Spahia.
Gjatë fjalës së tij, ai sqaroi se Partia Demokratike është sot më e gatshme se kurrë për t’u përballur me bandën kriminale që sot drejton dhe për të marrë në dorë fatet e vendit.
