Kancelarja gjermane Angela Merkel dhe ish-partnerët e saj të qendrës së majtë po përgatiten për bisedime vendimtare në një përpjekje për t’i dhënë fund një ngërçi politik që ka kapluar vendin.
Pasi refuzuan ifillimisht të zhvillonte diskutime me bllokun konservator të Merkelit, Social Demokratët kanë rënë dakord të takohen të enjten.
Ata pritet të diskutojnë për çështje si strehimi, kujdesi shëndetësor dhe emigrantët. Merkel nuk arriti të formojë një qeveri koalicioni me Liberalët dhe të Gjelbrit javën e kaluar.
Çfarë do të diskutohet?
Në fushatën zgjedhore, Social Demokratët (SPD) favorizuan më shumë shpenzime për arsimin dhe infrastrukturën, ndryshimet në sigurimin shëndetësor, dhe uljen e numri të azilkërkuesve.
Ndërkohë, zonja Merkel ka thënë se ajo dëshiron të shkurtojë disa taksa. Ajo gjithashtu mund të dëshirojë të ndjekë një politikë emigruese më të ashpër për të fituar votuesit konservatorë.
Analistët thonë se SPD-ja ka dorën më të fortë në negociata dhe pritet të ketë ndikim të rëndësishëm në çdo marrëveshje.
Merkel fitoi zgjedhjet e shtatorit, por shumë votues braktisën partitë kryesore, raporton “BBC”. Pasi fitoi vendet e para parlamentare, AfD (Alternativa për Gjermaninë),partia nacionaliste e ekstremit të djathtë u zotua të luftojë “pushtimin e të huajve” në vend.
