Ministri i Bujqësisë Niko Peleshi ka folur sot për kushtet dhe masat ligjore që janë vendosur për thertoret që nuk plotësonin kushtet higjieno-sanitare. Peleshi ka thënë se masat do të vazhdojnë deri sa situata të vihet nën kontroll.
“Nuk kane qenë masa drastike ato që janë marrë për thertoret por zbatimi i ligjit ekzistues. Ne nuk kemi nxjerrë asnjë udhëzim të ri por thjesht kemi zbatuar ligjin. Pas thertoreve së shpejti do të nisim edhe me pikat e përpunimit të qumështit,” shpjegoj Niko Peleshi. Më tej ai shtoi: Është një sektor me i vështirë por toleranca ndaj informalitetit do të jetë zero. Qumështi dhe nënproduktet e tij janë një tjetër element i sigurisë ushqimore qe lidhet direkt me jetën njerëzore dhe ne nuk do te lejojmë qe ajo të rrezikohet në asnjë moment.
