Një person i kërkuar për 12 ton kanabis të gjetur në Përmet disa muaj më parë është vënë në pranga. Arrestimi është bërë në Gjirokastër.
I arrestuari mësohet se është Ismail Saliu, 61 vjeç.
Shpallja në kërkim e tij është bërë në momentin kur Prokuroria e Krimeve të Rënda zbuloi një magazinë me 12 ton kanabis në fshatin Pagri të Përmetit.
Ai ishte në kërkim pasi Gjykata e Krimeve të Rënda kishte miratuar ndaj tij urdhër-arrestin e lëshuar nga prokuroria.
