Kryetari i opozitës Lulzim Basha e ka marrë fjalën menjëherë pas Kryeministrit Edi Rama sot, në seancën parlamentare ku prezantohet dhe votohet Buxheti i Shtetit i vitit 2018.
Basha e nisi fjalën duke i kujtuar Kryeministrit kohën kur çdo fjalim dikur ai e niste duke cituar Papën, kur nuk ishte tjetër veçse një manipulator.
“Pak ditë më parë ky njeri u shfaq në Bulqizë atje ku fëmijët ajnë kthyer në skllevër të kromit për bukën e gojës.”Sajesë kazanësh mediatikë të Italisë” i quajti. a ka gjë më dramatike kur një gazetare e një vendi të huaj i kujton të mbrojë fëmijët e vendit të tij?!
Atë ditë një gazetar shkroi i revoltuar se “Rama e kishte sjellë karrigen nga Tirana”, sepse Bulqiza ishte skena. Të gjitha ishin punuar me kujdes nga skenaristë të mashtrimit qeveritar. Vërtet ishte në Bulqizë, por atje nuk pa fëmijët e kthyer në skllevër e të zbuluar nga gazetarët italianë. Realiteti i tij është i shkëputur. Nuk ka shprehje më të qartë nga kjo shkëputje totale nga realiteti sesa nga projektbuxheti i 2018. Në këtë buxhet nuk ka asgjë për fëmijët e Bulqizës, nuk ka për infrastrukturën, për të nesërmen, por dnërtuar vetëm për nëj qëllim: sigurinë dhe pasurimin e klientëve të Edi Ramës: tre gjëra ka buxheti për krimin dhe klientët: njera: lëshimi me detyrim i faturës tatimore, që do të rrisë koston për bizneset e vogla dhe do t’i çojë shumë drejt mbylljes.
Masa e dytë, heqja e taksave për “Sata Quarantat”, që të mos kenë detyrime dhe të shtojnë pasuritë e pista. Një familje në Valbonë, 20% taksë; kurse hoteli i Klement Balilit, nuk do të paguajë asgjë.
Masa e tretë, projekti “1 miliard euro”, Partneri Publik Privat, PPP që nuk i thonë kot: Pastrimi i Parave të Pista. Mekanizmi që ai krijoi për të blerë pushtetin me para.
“Projekti “1 miliard euro”, Partneri Publik Privat, PPP që nuk i thonë kot: Pastrimi i Parave të Pista. Mekanizmi që ai krijoi për të blerë pushtetin me para.
Sot ka banka, pronarët e të cilave nuk njihen, ka koncensione me pronarë në parajsa fiskale,
Këtë realitet Rama po përpiqet ta fshehe me metodën që përdori këtu sot, duke e paraqitur si qesharake, duke përqeshuar, zgërdhirë siç bëri me kanabisin.”
Kryetari i opozitës Lulzim Basha e mbylli fjalën e tij duke bërë një thirrje të fortë: “Të ndalojmë projektin “1 miliard euro”, të ndalojmë hyrjen e mafias në Shqipëri”.
