Deputetët e opozitës nga PD dhe LSI në Komisionin e Sigurisë i janë drejtuar sot me një kërkesë Presidentit të Republikës, Ilir Meta për të deklasifikuar materialet e mbledhjes së Këshillit të Sigurisë Kombëtare nga presidenti Bujar Nishani më 11 nëntor 2016-të, ku u diskutua për situatën e krijuar nga droga.
Interesimi i tyre, siç thuhet në kërkesën e siguruar nga “BalkanWeb” vjen pas situatës së krijuar, ku emri i ish-ministrit Tahiri u përmend në përgjimet italiane të grupit të vëllezërve Habilaj që trafikonte drogë nga Shqipëria në Itali.
