Paraditen e sotme është emëruar drejtori i ri i Shërbimit Informativ Shqiptar pe propozim nga Edi Rama dhe dekretim nga Presidenti Ilirm Meta.
Helidon Bendo u emërua sot në krye të SHISH pas dorëheqjes së Visho Ajazi Likës. Ky i fundit e ka paraqitur që te premten dorëheqjen te Presidenti i Republikës, Ilir Meta, por motivet e dorëheqjes ende nuk dihen.
Por ajo që u vu re sipas raportimeve nga Top Channel mesditën e sotme ishte se përpos disa automjeteve me targa zyrtare në Drejtorinë e Përgjithshme të SHISH është parë të futet edhe një makinë me targa diplomatike. Burimet kanë konfirmuar se makina është e ambasadës amerikane. Natyrshëm lind pyetja nëse kishte gisht në emërimin e drejtorit të ri Ambasada Amerikane?
Visho Ajazi Lika u emërua në postin e SHISH 5 vite më parë, në gusht të 2012-ës, por ligji përcakton se mandati i drejtorit të Shërbimit Informativ është i pakufizuar, duke lënë vetëm dy opsione për largimin e tij: ose me vendimmarrje personale të drejtorit të SHISH-it, ose me konsensus Kryeministri-Presidencë.
Kryeministri ka qenë mesditën e të hënës për rreth 30 minuta në zyrën e Presidentit, ku ka paraqitur si propozim për emërimin në këtë detyrë të zëvendës drejtorit aktual Helidon Bendo, i cili punon prej 21 vjetësh pranë Shërbimit. Ligji i jep kompetencë presidentit për të refuzuar propozimin e Kryeministrit për emrin e Shefit të Shërbimit Sekret, nëse nuk kanë konsensus.
