Presidenti I Serbisë, Aleksandër Vuçiç bëri një paralajmërim të fortë në formë parashikimi për Kosovën, në rast se tentohet formimi I ushtrisë.
Duke folur në një konferencë për shtyp bashkë me liderin e Republikës Serbe në Bosnjë-Hercegovinë, Millorad Dodik, ai nënvizoi se Serbia nuk do të marrë pjese në formimin e ushtrisë së Kosovës.
Më pas Vuçiç përmendi mundësinë e largimit të Listës Serbe nga koalicioni qeveritar në Kosovë. Sipas kreut të shtetit serb, vendin e këtij grupimi politik do ta zërë Lidhja Demokratike e Kosovë me të cilën do të krijohet shumica e re. Gjithashtu presidenti tha se ndërkombëtarët janë habitur nga rënia e Partisë Demokratike të Kosovës. Në fjalën e tij, Vuçiç lavdëroi serbët e Kosovës.
Aleksander Vuçiç, President i Serbisë: “Problemi aty është se serbet janë treguar të fortë , problemi është se serbët janë treguar faktor që nuk mund t’i shkatërrosh lehtë në media, me gënjeshtra dhe manipulime. Serbët janë dëshmuar si faktor që dinë për here te parë të sillen pas kaq shumë vjetësh sikur dikur silleshin shqiptarët në ish -Jugosllavi, ashpër, fortë dhe me vizion të qartë për të ardhmen e tyre”.
Më tej ai nënvizoi se Serbia po përballet me preione shumë të mëdha nga ndërkombëtarët. Duke komentuar përsëri deklaratën e fortë të zëvendës-ndihmësit të sekretarit amerikan të shtetit për europën dhe euroazinë, Hojt Brajan ji, Vuçiç tregoi për mediat se në takim me zyrtarin e jashtëm ka mbrojtur interesat e Serbisë.
