Gazetarja Klodiana Lala, ka qenë e ftuar në mbrëmjen e sotme në emisionin Të Paekspozuarit, ku ka dhënë detaje lidhur me kontrollin e banesës së Saimir Tahirit nga Policia Gjyqësore.
Lala ka zbuluar se në shtëpinë e Tahirit nuk është sekuestruar as telefoni personal i ish-ministrit dhe as laptopi i tij, apo ndonjë laptop tjetër që mund të gjendej në banesë.
“Sot ka patur një kontroll në shtëpinë e Tahirit. Në këtë kontroll, kanë qenë dy ekspertë të policisë shkencore, por nuk është sekuestruar asnjë celular apo kompjuter”.
Kjo tregon qartë se çfarë farse ka qenë ky proces, ku prokurorët kanë qenë të qartë se edhe telefoni apo laptopi i Tahirit nuk mund të përmbante informacione kompromentuese, pasi ka kaluar shumë kohë, nga kërkesa e prokurorisë.
Gazetarja ka zbuluar edhe se prokuroria, ka dërguar një letërporosi, lidhur me dëshminë e një shtetasi italian, i cili është tashmë bashkëpunëtori i drejtësisë. Sipas Lalës, prokuroria shqiptare shpreson se mund të sigurojë më tepër detaje për hetimin me dëshmitë e këtij dëshmitari.
TPZ.AL
