Ashtu si kishte njoftuar nje dite me pare kryedemokrati Lulzim Basha, deputetet e opozites nuk do te ishin pjese e punimeve te Komisioneve Parlamentare, pas vendimit te shumices per te rrezuar kerkesen e prokurorise per arrestimin e ish-ministrit Saimir Tahiri.
Si mund ta shihni ne kete videolajm publikuar nga BW, deputetet e PD debatojne para se te lene mbledhjen e komisionit pikerisht per kete ceshtje.
Kreu i komisionit, Manja degjohet t’u thote se ‘ai e ka marre nje avokat, udha e mbare’.
DEBATI I PLOTE
Alibeaj: Ne shprehemi kundër ligjit për shpenzimet buxhetore, njësoj si për mosarrestimin e Tahirit
Fino: Asnjë vend nuk eshtë pa pagesa gjyqësore
Alibeaj: Jo më drejtësi për qytetarët. Ky është vullneti i këtij Kuvendi. Çfarë u kuptua nga rasti Tahiri?
Manja: Keni një sallë poshtë për deklarata
Alibeaj: Mazhoranca po pengon reformën në drejtësi si më rastin Tahiri. Ju nuk doni të bëni drejtësi. Ja mohuat drejtesisë të drejtën për të gjykuar Tahirin dhe qeverinë.
Manja: Lëreni se e ka porosi. Ta mbarojë e të iki
Fino: Ligji është teknik. Nuk ka të bëjë me atë që thotë PD. Orientojeni mbledhjen sipas ligjit. S’mund të bëjmë politikë me këtë ligj
Alibeaj: Propozoj heqjen e imunitetit të Tahirit
Bylykbashi: Ju doni që qyetarët të paguajnë deri në 20 mln lekë më shumë. Ndërsa Tahirit ja dhatë mbrojtjen falas
Alibeaj: Hapini dyert drejtësisë. Keni mundësi deri të mërkurën ta rregulloni. Ju kanë ngelur pantallonat tek gardhi i imunitetit kushtetues
Strazimiri: Ju sot këtu nuk lejoni të përmendni emrin e Tahirit, nëqofëse kjo është porosia që keni marrë që të padyshuarin ekselenent të mos e përmendni, e hoqët dhe nga grupi. Fshijini fotot të gjtha që ka me Ramën. Na e thoni të paktën. Në shtëpinë e të varurit nuk përmendet litari. Këtu sot nuk lejohet të permendet emri i Saimir Tahirit
Halimi: 25 herë rritet tarifa gjyqësore për shqiptarët. Ligji ka vetëm në qëllim. Të rrisë maksimalisht tarifat gjyqësore. Ligji ka të bëjë me reformën në drejtësi.
