Prokurorët e dosjes në ngarkim të ish-ministrit të Brendshëm, Saimir Tahiri kanë ‘braktisur’ seancën e sotme ndaj Emiljano Shullazit.
Paraditen e sotme mungesa e dy prokurorëve Elisabeta Imeraj dhe Ened Nakuçi e ka bërë të pamundur zhvillimin e seacnës së radhës në ngarkim të Emiljano Shullazit.
Ata nuk u paraqitën në seancë dhe në mungësë të tyre kishin paraqitur një shkresë në të cilën shkruanin se për “arsye objektive” nuk mund të ishin të pranishëm.
Shkresa ishte dërguar nga zv/ kryeprokurori i Krimeve te Rënda, Gent Osmani me porosi të prokurorit të dosjes Tahiri, Besim Hajdarmata.
