Edhe nese sot Keshilli i Mandateve dhe Imunitetit del me raportin ne pergjigje te kerkeses se prokurorise per arrestimin e deputetit Saimir Tahiri, nuk do te kete nje seance te shpejte plenare per kalimin ne votim.
Kete e ka deklaruar sot ne nje konference per mediat, kreu i grupit parlamentar të PS-së Taulant Balla, i cili nga Kryesia e Kuvendit iu është përgjigjur akuzave të deputetëve të opozitës, të cilët u shprehën se faza përfundimtare e Këshillit të Mandateve dhe Imuniteteve u vendos nga Ruçi që të mbahej me dyer të mbyllura.
“Ndjeva si detyrim ndaj publikut që të shpjegoj arsyen se pse mbledhja përfundimtare e Këshillit të Mandateve është e mbyllur. Në të gjitha rastet mbledhja e këtij këshilli ka qenë gjithmonë e mbyllur. Dhe raste më tipike të mbledhjes së këtij Këshilli kanë qenë të mbyllua. Në 26 vjet të Kuvendit, në të gjitha rastet, kjo pjesë e mbledhjes së këtij këshilli, pra pjesa e fundit, ka qenë gjithmonë e mbyllur.
Dhe rastet më tipike të këtyre mbledhjeve, për t’i kujtuar edhe publikut po shtoj, mbledhja për Bashën 2007, diskutimet të mbyllura, për Fatmir Mediun në 2008, me dyer të mbyllura, për Ilir Metën në 2011, me dyer të mbyllura, vendimi i vitit 2012 (për Mark Frrokun dhe Tom Doshin) me dyer të mbyllura”, tha Balla.
Ai ka shigjetuar edhe deputetin e LSI-së, Nasip Naco që deklaroi votën për arrestimin e Tahirit, duke i kujtuar se vota është në Kuvend.
“Duhet ta dini që Këshilli i paraqet raportet në seancë, seanca e parë që pason miratimin e raportit, senaca e pare eshte diten e merkure, nëse raporti do jetë gati, do paraqitet te mërkurën. Nderkohe i kërkoj Bashës dhe Kryemadhit të lënë anëtarët e Keshillit të bëjnë punën e tyre te qete. Del nje dhe deklaron votën, për ca vote deklaron, nuk e kuptoj, votën e ke në seance. Duhet të jetë e qartë që këtu po zhvillohet një proces normal”- tha Balla.
