Një ngjarje që për pak është kthyer në tragjedi ka ndodhur në Kuçovë, teksa një grua ka tentuar të hidhet nga një në vinç pranë Uzinës Mekanike.
Andoneta Sala kërcënuar se do të hidhet dhe shkak i këtij vendimi drastik ka qenë heqja nga puna. Express mëson se 50-vjeçarja është larguar nga puna në Uzinën Mekanike para dy muajsh.
Ajo ka treguar se është pushuar nga puna padrejtësisht, duke shtuar se nuk ka me çfarë të ushqejë dy fëmijët, pasi sipas saj burrin e ka pa punë.
Në vendin e ngjarjes, kanë shkuar forcat e negocimit të RENEA-së, ku pas 4 orësh negocimi e kanë bindur që ajo të zbresë nga vinçi.
Për ta bindur, negociatorët e RENEA-së i kanë premtuar që do të flasin me instancat përgjegjëse dhe çështja e saj do të zgjidhet.
Ndërsa, pasi ka zbritur nga vinçi ajo është shprehur se nëse kërkesat e saj nuk do të plotësohen, atëherë do t’i japë fund jetës.
