Një aksident i rëndë automobilistik është ka ndodhur në Tivar të Malit të Zi, në orët e para të mëngjesit, ku për pasojë ka humbur jetën 29-vjeçari Enea Rama dhe është plagosur rëndë një shtetas tjetër, me inicialet R.R.
Mësohet se mjeti i Enea Ramës është përplasur me një makinë tjetër ndërsa shkaqet e aksidentit ende nuk dihen. Të gjitha mediat raportuan sot për humbjen tragjike të të riut, i cili në fakt nuk është një emër i panjohur në Tiranë. Boldnews.al mëson se Enea Rama është nipi i Fatmir Ramës, i njohur si Miri i Xhikes, i vrarë në një atentat në vitin 2003 tek ish Kartodromi në Tiranë. Enea ishte djali i madh i Luan Ramës ndërsa njihej nga të gjithë miqtë e tij për pasionin që kishte për makinat e shtrenjta dhe shpejtësinë.
Enea gjithashtu bënte një jetë luksoze duke frekuentuar lokalet e natës por edhe resortet më të mira jashtë Shqipërisë.
Ndërkohë në disa media qarkulloi një lajm që në mesin e të plagosurve ishte edhe Shpresim Bajraktari, i njohur për miqësinë që ka me familjen Hoxha që kanë nën administrim Top Channel. Ende nuk është konfirmuar zyrtarisht nga Policia e Shtetit nëse Shpresimi është i plagosur nga ky aksident i rëndë dhe nëse ka të tjerë të plagosur.
Qindra miq dhe të afërm janë mbledhur pranë banesës së Enea Ramës, tek ish Libri Universitar, ndërsa do të përcillet për në banesën e fundit ditën e dielë (nesër) në orën 12:00. Boldnews.al i shpreh ngushëllimet familjarëve të Enea Ramës dhe shërim të shpejt të të plagosurve.
Boldnews.al
(Në foto me rreth Enea Rama ndërsa majtas i vëllai, Xhon Rama)
(Në foto me rreth Enea Rama ndërsa majtas miku i tij Shpresim Bajraktari)
(Në foto aksidenti ku humbi jetën Enea Rama)
