Një postim i bërë nga kryebashkiaku Erion Veliaj në rrjetet sociale ka ngjallur reagime dhe dyshime mbi origjinën e fotos në përmbatjeje të së cilës janë disa kanione të mrekullueshme. “Mirëmëngjes Tirana” shkruan Veliaj dhe poston këto pamje të mrekullueshme, por pa specifikuar vendin ku ndodhet (foto 1).
A janë këto kanionet e Shengjergjit? Ky është dyshimi! Pasi shumë komentues shkruajnë se Veliaj e ka vjedhur foton në internet pasi kanioni në fjalë është në Kaliforni (foto2).
Opinion.al kërkoi një reagim nga Bashkia e Tiranës për të qartësuar se kujt i përket kjo foto e postuar nga kryebashkiaku në faqen e tij zyrtare në facebook. Nga ana tjetër stafi i Veliajt që merret me rrjetet sociale ka nxituar për të fshirë këtë postim të turpshëm dhe tallës për qytetarët e Tiranës.
*komente poshte postimit te Veliajt
