Kandidati për kryetar të Partisë Demokratike, Eduart Selami, është kërcënuar sot nga Albert Dollapi. Ai është shofer aktual i deputetes Mimoza Hajdarmata dhe djali i xhaxhait të truprojes së Lulzim Bashës, Feim Dollapi.
Ky incident nuk është pasqyruar në media nga eksponentë të Partisë Demokratike, prandaj Selami ka vënë në lëvizje bashkëshorten e tij, gazetaren Ilva Tare. Kjo e fundit, e cila është drejtuese në Ora News, është shqetësuar nga ajo që po i ndodhte bashkëshortit të saj. Por për të mos shfrytëzuar median ku punon, Tare i ka kërkuar si nder një portali që të publikojë lajmin e incidentit. Dhe këtë e ka bërë Tiranapost.al, e cila drejtohet nga Mira Kazhani, një mike e vjetër e Ilva Tares, dhe që ndajnë plot histori në të kaluarën me njëra-tjetrën.
Sipas raportimit të Tiranapost.al mësohet se Dollapi i ka dalë përpara Eduard Selamit në nisje dhe në përfundimin e konferencës për shtyp.
“Ca do ti këtu? Ik që këtu”, mësohet t’i ketë thënë ai Selamit. Nga ana tjetër roja në PD nuk ka ndërhyrë fare.
Eduard Selami ka thënë se: “Basha duhet të garantoje sigurinë e kandidat për kryetar të PD që sulmohet nga të afërm të bashkëpunëtorëve të tij”. Por Albert Dollapi ka insistuar dhe ka replikuar me Selamin me tone të ashpra.
Po të njëjtat burime kanë thënë për Tiranapost.al se ka patur edhe tre persona të tjerë që e kanë kërcënuar gjatë paradites.
Gara e Selamit për kreun e PD duket e fortë, por ai ka një mbështetje jo të vogël, gruan e tij Ilva Taren e cila direkt ose indirekt mund të vërë në dispozicion median ku punon (Ora News) për lobim për bashkëshortin e saj.
