Sondazhet e zhvilluara në Shqipëri shpesh lënë për të dëshiruar me parashikimet e bëra për zgjedhjet parlamentare. Disa thonë që janë të paguara nga forcat politike, disa të tjerë thonë që italianët tallen me pronarët e televizioneve duke i marrë qindra mijëra euro për sondazhe false.
Megjithatë, televizioni Report TV i Carlo Bollinos sot ka shkuar në ekstazë, duke nxjerrë Partinë Socialiste dhe Edi Ramën me 58.7 %. Nëse përkthehet në mandate, kjo i bie që kryeministri Rama jo vetëm të rikonfirmohet për një mandat të dytë qeverisës, por të kthehet edhe në lider suprem duke marrë shumicën absolute prej mbi 84 mandatesh.
Ndërkohë Partinë Demokratike e ka çuar në 21.8 % duke e konsideruar si një forcë politike tepër pa vlerë. Të njëjtin mendim ndan edhe për LSI, sondazhi i Bollinos, që nuk i jep më shumë se 5.6 %. Mos të flasim pastaj për partitë e vogla apo të reja, që nuk futen fare në sitën e Bollinos dhe miqëve të tij italian që hartojnë sondazhe.
Carlo Bollino njihet për miqësinë e tij jo vetëm me kryeministrin Rama por edhe me segmente të caktuara të Rilindjes, siç është kryebashkiaku i Tiranës Erion Veliaj. Për shkak të benefiteve që ai ka marrë nga Rilindja (dy Bunk’Art si dhe lidhjet e errëta me tenderin e pastrimit të Tiranës), Bollino jo vetëm që ka kthyer mediat e tij në shërbim të Ramës por ai shkon deri aty sa të shpërdoroj imazhin e mediave të tij duke publikuar sondazhe false.
Boldnews.al
