Ekskluzive/ Dy trafikantë heroine arrestohen në makinën e kreut të PS Kavajë

Nga Boldnews.al

Dy persona të shpallur në kërkim me vendim te Gjykatës se Kavajës si të dyshuar për trafik heroine u arrestuan në makinën e kreut te Partise Socialiste të Kavajës, Gentian Daja. Lajmi konfirmohet nga burime të policisë të cilat thanë se dy të dyshuarit ishin shpallur në kerkim pas vendimit te Gjykatës së Kavajës që caktoi ndaj tyre masën e sigurisë arrest me burg.

Të arrestuarit janë Ramadan Shabani dhe Enred Duka. Ata u ndaluan pasditen e djeshme nga agjentë të Forcës së Posaçme Operacionale të nisur nga Tirana. Dy të dyshuarit në momentin e arrestimit ishin duke lëvizur me automjetin e kreut të PS Kavajë, Gentian Daja, i cili njihet për miqësinë e tij me ish-kryebashkiakun e këtij qyteti Elvis Rroshi.

Sipas policisë dyshohet se Daja kishte marrë në automjetin e tij dy të shpallurit në kërkim me qëllim largimin e tyre. Por nuk ka mundur t’i shpëtojë, pasi arrestimi është kryer nga forcat e policisë të nisura nga Tirana të cilat shmangën policinë lokale të Kavajës.

LEXO EDHE  Mot me surpriza, mësoni parashikimin për ditën e sotme

Njoftimi i Policisë së Tiranës

Më datë 01.06.2017, Specialistët e Komisariatit të Policisë Kavajë, në bashkëpunim me Shërbimet e Forcës së Posaçme Operacionale në Drejtorinë Vendore të Policisë Tiranë, kanë bërë të mundur kapjen e shtetasve të shpallur në kërkim: – Ramadan Shabani, 28 vjeç, banues në Kavajë – Enred Duka, 28 vjeç, banues në Kavajë Për shtetasit e sipër përmendur Gjykata e Rrethit Gjyqësor Kavajë, me vendimin e datës 01.06.2017, ka caktuar masën e sigurisë “Arrest me burg”, për veprën penale “Prodhimi dhe shitja e narkotikëve”, parashikuar nga Neni 283/2 i Kodit Penal.