Kryetari i LIBRA-s, Ben Blushi ka ironizuar Partinë Demokratike pasi kjo e fundit ka dorëzuar vetëm 95 kandidat për deputet në KQZ nga 140 që e kërkon rregullorja.
Nëpërmjet një statusi në facebook, Blushi shprehet se LIBRA mund t’i ofrojë Partisë Demokratike në mënyrë që të mos i rrezikohet hyrja në zgjedhje. Me tallje, Blushi ka edhe një kusht për PD: Nëse ju japim kandidatë, mos ngrini çadër para LIBRA-s për të kërkuar deputetët mbrapsht.
Më poshtë statusi i plotë i Blushit:
NJË OFERTË E SINQERTË PËR PD
PD ka rregjistruar vetem 95 kandidatë nga 140 që kërkon ligji, ndërkohë që LIBRA ka kandiduar 163 burra dhe gra nga gjithë Shqipëria. Nëse ata nuk kanë mundësi dhe u rrezikohet sërish hyrja në zgjedhje ne mund t’ua plotësojmë listën, me kusht që pas zgjedhjeve të mos ngrenë një cadër para selisë LIBRA për të na i kërkuar deputetët mbrapsht.