Dalin në dritë të tjera detaje nga vrasja e dyfishtë në mes të Vlorës mbrëmjen e së mërkurës. Të dy viktimat kanë qenë emra të njohur në qytet. I pari ishte drejtori i OSHEE-së Roland Saliu.
Viktima e dytë nga plumbat e kallashnikovit është Erven Hyseni. Ai është një biznesmen i njohur në qytetin bregdetar. Hyseni njihet nga të gjithë si pronar i televizionit “Vlora Channel”.
Lapsi.al mësoi se Hyseni është pronar i disa lokaleve në Vlorë dhe i një hoteli në këtë qytet. Biznesmeni ka jetuar për disa vjet në Spanjë dhe në Itali.
Ende nuk është zbardhur dinamika e plotë e ngjarjes. Është i paqartë se cili prej viktimave ka qenë në shënjestër të atentatit.
