Ish-kreu i LSI-së, Ilir Meta ka folur sot për paktin Rama-Basha.
Ai u pyet nëse është përgjegjës që kryeministri Edi Rama u largua nga koalicioni me LSI-në për marrëveshje me Lulzim Bashën.
Meta tha se LSI është e lumtur për këtë marrëveshje dhe sqaroi pse nuk kishte një përgjigje për koalicionin me PS-në.
I pyetur nëse ndihet përgjegjës që e çoi Ramën në krahët e Lulzim Bashës, Meta tha:
“Nuk mendoj se si thatë ju, vajtja e zoti Rama në krahët e zotit Basha është diçka kaq e sforcuar. Mendoj se është diçka mjaft interesante dhe pozitive dhe LSI-ja është investuar që ta të dialogojnë dhe ne kishim një përgjegjësi për konfliktin dhe donim që gjithçka të arrihej për dialog.
Sa për koalicionin ne kemi thënë që do shpreheshim për të pas reformës zgjedhore që nuk u bë asnjëherë. Të gjithë duhet të jenë të kënaqur me këtë situatë tani ku ndodhet vendi. Kriza ishte absurde dhe e pamerituar.
Ne jemi më të lumtur për marrëveshjen dhe kemi punuar për dialog e konsensus. Rama arriti ta fitonte besimin e zotit Basha”, tha Meta.
Kreu i Kuvendit Ilir Meta ka përshëndetur edhe zhbllokimin e vettingut nga parlamenti ditën e djeshme.
