Daja i Blerta Pepës, 16 vjeçares që humbi jetën mëngjesin e sotëm në spitalin “Continental” në Tiranë, ka akuzuar mjekët për ngjarjen e rëndë.Liro Likaj shkruan se adoleshentja ishte dërguar në spital për shkak të një dëmtimi në gju gjatë orës së fiskulturës në shkollë. Ai thekson se familjarët kishin marrë të gjitha garancitë se operacioni do të shkonte shumë mirë. Ndërkohë, sipas Likajt, mjeku i huaj që do kryente operacionin kishte afruar orën për shkak se e kishte me nxitim për t’u larguar drejt Greqisë.
Familjarët e 16 vjeçares kanë bërë tashmë kallëzimin në polici, ndërsa mjeku anestezist ka tentuar vetëvrasjen pas ngjarjes së rëndë.
Reagimi i dajës së Blerta Pepës:
Unë jam daja i Blerta Pepa e cila ka qenë pjesëmarrëse tek ‘Gjeniu i Vogël’. Blerta fatkeqësisht u nda nga jeta në moshen 16 vjeçare mëngjesin e sotëm, në spitalin ‘Continental’, pas një ndërhyrje në gju për meniskun dhe ligamentin.
Kemi bërë denoncim në polici pasi besojmë që ka qenë një papërgjegjshmëri dhe tregti me jetën e një fëmije duke qenë se i kryen një operacion si më urgjencë, nga ora 10:00 në mengjes që ishte planifikuar, por e bënë në orën 19.30 të darkës duke qenë se doktori i huaj që bëri ndërhyrjen duhet të ikte këtë të marte në Greqi ku gjithashtu punon.
Ju lutem bejini një tribut Blertës e cila nuk jeton më vetëm për një operacion në gju dhe hetoni apo pasqyrojeni si lajm pasi është tepër e rëndë besoj për të gjithë Shqipërinë që një gjeni i vogël si Blerta të humbi jetën nga vetëm një ndërhyrje në gju, kur na ishin dhënë të gjitha garancitë që çdo gjë do shkonte mirë nga spitali.
Si i pari i qeverisë të kerkoj të bëhet çdo gjë që drejtësia të vihet në vend pasi ajo vdiq nga babëzia e eurove të spitaleve private e shtetit qe nuk u interesua që ta mundësojë shërimin pasi në Ministri të Shëndetësisë dhe të Arsimit ( u vra në gju në orën e fiskultures tek ‘Çajupi’) dhe përgjigjja qe që sa fëmijë vriten në dite në shkollë nuk i ndihmojmë dot. Duam drejtësi.
