Grevistët e Zharrësit prej ditësh të lënë në mëshirë të fatit kanë filluar marshimin e tyre për tju bashkuar protestës së opozitës në Bulevard.
Ata janë nisur me karroca me rrota për shkak të gjëndjes së tyre shëndetësore.
Bashkë me ta u janë bashkuar dhe banorë të tjerë të fshatit që po shkatërrohet nga Bankers duke nisur “Marshimin e Drejtësisë”.
Më shumë se 40 persona janë nisur për në Tiranë që ti bashkohen protestës në “çadrën e lirisë” në bulevardin “Dëshmorët e Kombit”.
Ata prej kohësh janë duke protestuar për shkatërrimin e banesave të tyre nga ana e shpërthimeve të kompanisë Bankers, por deri më tani nuk kanë gjetur zgjidhje nga qeveria.
