Iljaz Labi, ish-zv/drejtori i Përgjithshëm i Burgjeve, pas arrestimit të ish-drejtorit të përgjithshëm të Burgjeve Artur Zoto, ka pranuar të bashkëpunoje me drejtësinë duke treguar të gjitha pazaret e tenderave në burgje gjatë vitit 2015-2016.
Mësohet se Labi ka thënë se ish-drejtori Artur Zoto e ka orientuar për të takuar dhe biseduar me Ylber Kalanë, për ta shpallur atë fitues të tenderave të ushqimit në burgje.
Madje mësohet se Labi ka dhënë edhe detaje të tjera në lidhje me tenderin, që korrespondojnë me provat e gjetura në aparatin e tij celular dhe të personave të tjerë të arrestuar.
E sipas dëshmisë së Labit, ka qenë Artur Zoto, ai që ka vendosur se kush shpallet fitues i tenderave të ushqimit në burgje. Zoto pritet të dalë para gjykatës në ditët në vazhdim për verifikimin e masës së sigurisë “Arrest me burg”, dhënë te marten pak orë para arrestimit.
