Trafikantët e drogës tentojnë mënyra nga më të padëgjuarat për të depertuar në shtete të ndryshme. Pas tentativave nga toka dhe ajri, një tjetër mënyrë po përdoret nga trafikantët për të transportuar drogë nga Shqipëria në Itali.
Syri.net mëson një sasi droge është zbuluar në zarfet e postës së Tiranës.
Madje burimet nga policia e kryeqytetit thonë për redaksinë tonë se gjatë skanimit të pakove postare, në dy zarfa u gjetën 775 gr kanabis sativa. Zarfet me drogë kishin për destinacion Italinë.
Mësohet se punonjësit e postës sapo konstatuan lëndën narkotike në zarfe, njoftuan menjëherë policinë.
Policia ka nisur hetimet për të identifikuar dhe arrestuar personat që futën kanabis në zarfet postare me destinacion italianë.
