Nga çadra e protestës së opozitës, e stacionuar para zyrës së kryeministrit Rama, kreu i PD Lulzim Basha në një takim me studentë tha se protesta do të vazhdojë deri në sigurimin e zgjedhjeve të lira dhe të ndershme.
“Të hedhim nga themelet këtë qeveri të kalbur…Vendi i zhytur si kurrë më parë në drogë dhe krim”, tha Basha, teksa premtoi se me ardhjen e tij në pushtet “që në orën time të parë do firmos anulimin e Arsimit të Lartë”, pasi sipas Bashës ky ligj peshon rëndë në xhepat e studentëve dhe familjeve të tyre.
Basha i bëri thirrje të pranishmëve: “Studentë dhe gjimnazistë bëhuni gati Shqipëria që po vjen është e juaja. Do të jetë vetëm në duart tuaja. Asgjë s’do jetë si më parë, gjithçka do të ndryshojë me fuqinë e kësaj lëvizje kombëtare, popullore dhe demokratike…Fitorja e betejës është në dorën tuaj dhe gjithë qytetarëve shqiptarë…Ne nuk tërhiqemi…parlamenti i krimit ka marrë fund. Ky është parlamenti i vërtetë…”, tha Basha.