Indrit Hoxha, sekretari i Burimeve Njerëzore në FRPD, bën një deklaratë të fortë përmes rrjeteve sociale, ku shprehet se më 18 shkurt, ditën e protestës së opozitës, kryeministri Edi Rama ka një skenar për prishjen e saj.
Sipas Hoxhës Rama do të sulmojë me bomba molotov selinë e kryeministrisë, gjë që sipas tij konfirmohet edhe nga shërbimet sekrete.
Postimi i plotë i Indrit Hoxhës:
“Më 18 shkurt ka një skenar të Ramës për të degraduar protestën e opozitës duke goditur me bomba molotov institucionin e kryeministrisë me njerëz të infiltruar siç bëjnë me dije dhe shërbimet sekrete. Opozita dhe populli shqiptar nuk do dalin më 18 shkurt as të djegin kryeministrinë dhe as të dhunojnë ndonjë instutucion tjetër sepse ato nuk janë pronë e Ramës por e popullit Shqiptar. Më 18 shkurt do ketë qëndresë derisa kjo qeveri të largohet dhe të shkohet në qeveri teknike që të garantojë zgjedhjet e lira në Shqipëri si ne çdo vend demokratik perëndimor. Tashmë me “Hakmarrjen për Drejtësi” të shpallur të pafajshme me presionin e Ramës nuk ka zgjedhje të lira në Shqipëri, thjesht një proces ku populli voton dhe kriminelët numërojnë. Prandaj më 18 Shkurt ftoj çdo shqiptar të mos mungojë, të rikthejmë demokracinë në Shqipëri”.