Nuk kanë të ndalur denoncimet që dëshmojnë situatën skandaloze të Shëndetësisë në vend. Pas denoncimit publik nga vetë bluzat e bardha për gjendjen e autoambulancave në Tiranë, vjen një tjetër denoncim, por këtë herë nga brenda koalicionit të qeverisë.
Kryebashkiaku i Rrogozhinës, Bushi Nuredini, përfaqësues i PDIU-së, i tregon përmes fakteve ministrit të Shëndetësisë, Ilir Beqaj, gjendjen e autoambulancave.
“Një barakë për ambulancë që do të duhej t’i shërbente 100.000 banorëve.
A ka turp më të madh se ky???
Të na rrojë Ministria e Shëndetësisë…”, shkruan Nuredini në profilin e tij në Facebook, ndërsa e shoqëron edhe me fotot që i shikoni më poshtë.
