Personi që i mundësoi Edi Ramës takimin me Presidenti e SHBA-ve, Barack Obama në tetor të vitit 2012, ku kryeministri aktual shqiptar përfitoi të bënte foto me shefin e asaj kohe të Shtëpisë së Bardhë, është dënuar nga një gjykatë amerikane.
Një gjykatë në New Jersey e shpalli fajtor Bilal Shehun për donacionin me vlerë 80 mijë dollarë, pasi pranoi se ishte një shumë me burim jashtë SHBA-ve. 48-vjeçari u dënua me një vit burg me kusht.
Shehehu, shqiptari me shtetësi amerikane pranoi para gjykatës se këto para i kishte marrë nga një person që të merrte pjesë në takimin me Obamën në San Francisco në tetor të vitit 2012.
Por ligjet në SHBA ndalojnë shtetasit e huaj që të japin kontribut për fushatën elektorale presidenciale.
Lidhur me rastin Lulzim Basha bëri një kallëzim penal në korrik duke akuzuar se burimi i parave ishte Kryeministri, Edi Rama.
