Ish-ministri i Drejtësisë, Ylli Manjani ka reaguar pas intervistës së kryeministrit Edi Rama ku foli edhe për shkarkimin e tij. Ndërsa Rama e akuzoi Manjanin si shkelës të kontratës dhe kodit qeveritar, ish-ministri e ka kërcënuar se do ta çojë në Prokurori.
Manjani i krahasoi deklaratat e Ramës me parulla të Realizmit socialist. Por nuk ka munguar edhe një mesazh për Ilir Metën dhe koalicionin.
Ai tha se Rama nuk e sheh qeverinë si institucion kushtetues por si një skuadër që kërcen kur do ai.
“Përshëndetje, Kryeministri e konfirmoi sonte në Tonight se nuk e sheh qeverinë si institucion kushtetues e ligjor, por si një skuadër që kërcen kur e si do ai.
Parrulla të tipit ‘qeveria është e imja, penalltine e gjuaj unë’ i përkasin vetëm filmave të Realizmit Socialist dhe jo realitetit demokratik! Jo për gjë po “penalltinë” që gjuajti për Hillarinë e humbi! E humbi në kurriz të interesit publik.
Ministri i Drejtësisë është mbrojtës i Kushtetutës dhe Ligjit dhe jo mbledhës topash që lëshon Kryeministri kuturu. Skuadra e Kryeministrit bën më mirë të zbatojë ligjin e të sillet si qeveri sesa të shkojë ashtu siç është në Prokurori!
Të paktën një gjë e mohoi, atë motivacionin qesharak…
Koalicionit ende i uroj ‘shërim të shpejtë’!”, shkruan Manjani në Facebook.
