Policia e Kukësit ka vënë në pranga 2 të rinj pasi në makinën e tyre u gjetën 20 kg drogë. Sipas të dhënave zyrtare në orët e para të mëngjesit, Specialistët për Narkotikët, në Drejtorinë Vendore të Policisë Kukës, mbi bazën e informacioneve të marra në rrugë operative, finalizuan me sukses operacionin anti-drogë të koduar “Mesjava”, ku u bë arrestimi në flagrancë i shtetasve:
1-Gjergj Keli, 29 vjeç banues në Ujshtrezë, Mirditë.
2-Qemal Kuqi, 28 vjeç, banues në Laç.
Arrestimi i dy të rinjve u bë pasi, në afërsi të spitalit Rajonal Kukës, gjatë kontrollit të ushtruar në automjetin tip “Benz”, me targë AA 120 LM, në pjesën e bagazhit, u gjetën dhe u sekuestruan 20 kg lëndë narkotike e dyshuar Cannabis Sativa.
Në cilësinë e provës materiale u sekuestruan :
– 20 kg lëndë narkotike e dyshuar si Cannabis Sattiva – si dhe u bllokua automjeti tip “Benz”, me targa AA 120 LM.
Materialet në ngarkim të shtetasve të lartë përmendur, i kaluan për veprime të mëtejshme Prokurorisë së Rrethit Gjyqësor Kukës, për veprën penale “Prodhim dhe shitja e narkotikëve, kryer në bashkëpunim”.