Deputeti i LSI-së, Vangjel Tavo duke folur të martën në mbrëmje në edicionin qendror të lajmeve në stacionin grek “Tv Star”, denoncoi lidhjet e policisë shqiptare me krimin.
“Policia të mos mbështesë kriminelët, por të merret me problemet e njerëzve, me grabitjet, bastisjet, me vjedhjet. Mbjellja e kanabisit këtu është kthyer në një fenomen dhe në shumë raste policia ka lidhje me personat që kultivojnë kanabis. Dje i quajta kriminelë”, tha Tavo për “TV Star”.
Meta dhe Vasili kanë deklaruar se nuk kanë asgjë personale me ministrin e Brendshëm, Saimir Tahiri, por sipas tyre duhet të marrë fund korrja e kanabisit nga ana e policisë dhe në vend të saj duhet të parandalohet mbjellja e tij.
