Ilir Meta ka sulmuar ministrin e Brendshëm, Saimir Tahiri, kur tha se duhet të marrë fund “show” mediatik i korrjes së kanabisit nga ana e uniformave blu. Sipas Metës kjo nuk është detyra e policisë.
“Nuk duam të shohim më policë duke korrur kanabis…Se nuk është kjo detyra e policisë…Por të gjitha institucionet e tjera të përfshihen që të parandalojnë korrjen e kanabisit….Mesazh parandalues. Kjo është fuqia e shtetit. Dhe duhet ta tregojë tani me seriozitetin më të madh tani…Pa akuza e mburrje nëpër televizone. Këto duhet të marrin fund”, tha Meta sot gjatë një bashkëbisedime me gazetarët.
Teksa apeloi: “Prokuroria të çojë para të gjitha proceset, jo vetëm për të dënuar punëtorët hallexhinj të kanabisit…por ata që realizojnë përfitimet më të mëdha të këtij aktiviteti kriminal që dëmton imazhin e vendit…”.
Pyetje: A ka më kuptim mbledhja e Këshillit të Sigurimit, pas deklaratave të Manjanit për Balilin?
Meta: S’kam asnjë koment e as akuzë se s’jam as prokuror dhe as gjykatës…Nuk gjej dot, si anëtar i Këshillit të Sigurisë, një nen tjeter që i mbledh të gjithë aktorët.
Meta tha se në SHBA “më kërkuan që të ndikoj në arrestimin” e Kelmend Balilit.
