U zgjodh vetëm pak ditë më parë në krye të Këshillit të Emërimeve në Drejtësi, por gjyqtarja Mirela Fana e Gjykatës së Lartë është dorëhequr sot nga detyra.
Mësohet se zonja Fana është shprehur se do të vazhdojë jetën akademike e jo atë të gjyqësorit. Gjykata e Lartë ka njoftuar se do të mblidhet në mesditë për të diskutuar në lidhje me këtë dorëheqje. Fana ka qenë edhe kandidate për Këshillin e Emërimeve.
Burime mediatike nga Presidenca bëjnë të ditur gjithashtu se edhe gjyqtari i gjykatës së Elbasanit, Ilir Pasha ka paraqitur dorëheqjen nga posti.
Edhe gjykatësi Ilir Çeliku njoftoi dorëheqjen nga detyra mesditën e sotme.
Kujtojmë se 31 janari është dita e fundit e dorëzimit të dokumenteve të vetëdeklarimit në ILDKPI për procesin e vetingut.
