DENONCIMI/ “Kelmend Balili po strehohet në Tepelenë. Po ruhet nga kryebashkiaku socialist”

Sekretari i Përgjithshëm i PD-së, Arben Ristani ngre dyshimet se i kërkuari ndërkombëtar Kelmend Balili është duke u strehuar në Tepelenë.

Në një konference për median në selinë e PD, deputeti Ristani bëri pyetje për qeverinë, Ramën e Metën: A po strehohet Klement Balili në Tepelenë, nën kujdesin e kryetarit të bashkisë së Tepelenës, Termet Peci dhe nje shefi të PS-së në Tepelenë, Dino Selemi, aktualisht edhe drejtor i transportit të Gjirokastrës?

“Pas presionit të hapur ndërkombetar për arrestimin e Klement Balilit dhe pasi u prishën për pazarin e ditës, PS dhe LSI kanë nisur sherrin dhe shfaqjen e radhës. Ndërkohë Klement Balili, i kërkuar nga gjysma e policive të Europës, nga DEA amerikane, i konsideruar nga CNN si eskobari i ballkanit, është akoma i lirë, duke kapur peshk nga jahti i tij e duke bredhur nga dasma në dasëm.

LEXO EDHE  Ambasada Amerikane ‘po ju vëzhgon’/ Si duket Reforma në Drejtësi në sytë e ndërkombëtarëve (VIDEO)

Partia Demokratike e denoncoi emërimin e Klement Balilit në zyrat e shtetit, që në maj të vitit 2014. Ne bëmë publike, prova, fakte, se si në vitin 2006, ky trafikant ishte kapur në një aksion të forcave speciale me helikopter, me 750 kilogramë drogë. Partia Demokratike kërkoi 36 herë në 2 vite e gjysëm largimin e Klement Balilit nga administrata shtetrore ku e emëruan Rama dhe Meta dhe venien e tij para drejtësisë. E megjithatë, Rama dhe Meta, e mbajtën, e mbrojtën deri në fund, e mbrojtën edhe kur u shpall në kërkim nga Interpoli në maj të vitit 2016”, tha Ristani.