Greqia ka vendosur të dënojë secilin me nga 60 ditë burg, 7 ushtarët që bënë simbolin e shqiponjes dykrenare me duar.
“Mono News” shkruan se vendimi është marrë nga Shtabi i Përgjithshëm i Ushtrisë greke.
Kjo masë është kërkuar nga kreu i shtabit dhe është maksimumi i dënimin disiplinor që jepet për anëtarët e ushtrisë greke. Kërkesa është dërguar në Ministrinë e Mbrojtjes dhe pritet që të firmoset nga ministri Kamenos.
Sakaq nuk dihet fati i ushtarëve, nëse do të përjashtohen nga ushtria ose jo.
Pas publikimit të kësaj fotografie, Ministria greke e Mbrojtjes dërgoi për gjykim ushtarët shqiptarë që bënë shqiponjën. Ata ishin duke shërbyer në Mesologji, kur bënë gjestin që solli reagime të ashpra në Greqi.
Vetë ministri grek i Mbrojtjes kërkoi dënim për ta.
