Tifozët e ekipit të Tiranës nuk kanë lejuar lojtarët të nisin seancën stërvitore të radhës. Madje përplasja mes tyre ka degjenuar në dhunë. Ngjarja ndodh një ditë pasi drejtuesit e Tiranës dhe ata të Partizanit arritën marrëveshjen për stadiumin “Selman Stërmasi”.
Sipas marrëveshjes, Partizani mund të zhvillojë ndeshjet e mbetura si pritës në stadiumin e Tiranës. Por kjo gjë mesa duket nuk është pranuar nga tifozët e skuadrës bardheblu.
“Nuk ka shans të luajë njeri në fushën tonë. Ne jemi emblema, jo ju”, u kanë thënë tifozët lojtarëve.
Momentalisht stërvitja është ndërprerë dhe tifozët janë larguar nga stadiumi.
