Pasi Ben Blushi akuzoi kryeministrin Edi Rama për personalizim të diplomacisë së jashtme, ka reaguar ministri Ditmir Bushati.
“Marrëdhëniet me Greqinë nuk janë ato që do donim të ishin. Këto marrëdhënie janë ato që kemi votuar sëbashku tre vjet më parë dhe më vjen keq që the se “i kemi helmatisur për shkak të PDIU-së!” Ne jemi qeveria që për herë të parë ka përfshirë çështjen çame në programin e saj. Kjo është një dëshmi tjetër e abuzimit tënd me politikën e jashtme.
Ne duam të sillemi si të barabartë në tryezë dhe duam t’i sjellim të gjithë çështjet e së kaluarës jo me imponim e retorikë por duke u bazuar tek e drejta auropiane. Por nëse TI sot je penduar për atë që pranove në fillim, ky nuk është problemi ynë.
Nëse TI ke një çështje tjetër për marrëveshjen e detit, për ligjin e luftës – që habit çdo mendje normale – ky është një kurs konsistent dhe askush nuk do të lëvizë nga ky kurs.
Në rast se TI ke një qëndrim tjetër përsa i përket lirive dhe të drejtave të njeriut dhe posaçërisht të drejtave të minoritetit grek, ne jemi duke përgatitur një ligj dhe nuk kemi parë një model në vendet fqinje që të jetë më modern dhe ka vende si Greqia që nuk e njohin fare minoritetin dhe nuk janë pjesë e konventave të Europës”, tha ministri i Jashtëm, Ditmir Bushati.
