Gjykata Kushtetuese ka zbardhur vendimin e 22 dhjetorit për “Vettingun”, ku rrëzoi kërkesën e Partisë Demokratike për ta shpallur këtë ligj në kundërshtim me ligjin themeltar të shtetit.
Sipas kësaj gjykate ligji nuk bie ndesh me Kushtetutën e vendit: “Nuk cënon parimin e ndarjes së pushteteve”.
Pas rreth 3 orë e gjysmë shqyrtimi gjashtë anëtarë kanë vendosur që ligji të mbetet në fuqi, ndërsa dy gjyqtarë kanë votuar “pro” kërkesës së Partisë Demokratike për ta shpallur atë antikushtetues.
Kërkesa për shfuqizimin e ligji u bë nga një grup prej 31 deputetësh të Kuvendit, anëtarë të Grupit Parlamentar të PD-së. Ata kërkuan pezullimin e zbatimit të tij deri në dhënien e një vendimi përfundimtar nga “Kushtetuesja”.
Me verdiktin e “Kushtetueses” tani fillon zbatimi i ligjit.
“Vendosi rrëzimin e kërkesës. Ky vendim është përfundimtar, i formës së prerë dhe hyn në fuqi ditën e botimit në Fletoren Zyrtare”, thuhet në vendimin e Gjykatës, i cili është shoqëruar edhe me argumentet e dy gjyqtarëve të pakicës, Besnik Imeraj dhe Gani Dizdari që kanë gjykuar se kërkesa e 31 deputetëve duhej të ishte pranuar pjesërisht.
Sakaq në Tiranë do të mbërrijë misioni ndërkombëtar i monitorimit, i përbërë nga gjyqtarë të huaj me përvoje mbi 15-vjeçare.
Për të lexuar vendimin e plotë klikoni KËTU
