Për presidentin e zgjedhur amerikan Donald Trump, NATO është e tejkaluar dhe e dalë mode.
Ishte agjencia e lajmeve DPA ajo që dha detaje detaje ekskluzive nga intervista e Trump dhënë për gazetën gjermane «Bild» të së hënës.
Sipas raporteve Donald Trump ka thënë se Aleanca e Atlantikut të Veriut, NATO, e themeluar në fund të viteve ’50 nuk funksionon si duhet sepse vetëm pak shtete anëtare paguajnë atë që duhet të paguajnë.
“Mora shumë komente kur thashë që NATO është e tejkaluar. Është e vjetruar sepse nuk po merrej me terrorin. Pata shumë reagime për dy ditë dhe pastaj nisën të thoshin Trump ka të drejtë. Shumë nga këto vende nuk po paguajnë aq sa duhet të paguajnë gjë që mendoj është shumë e padrejtë ndaj SHBA-ve. Thënë këto, NATO është shumë e rëndësishme për mua”, tha ai.
Pak ditë para fillimit të detyrës Trump përsërit edhe njëherë qëndrimet e fushatës, duke tronditur të gjitha vendet antare të NATO-s, por që prekin edhe Shqipërinë, si pjesë e NATO-s.
Ja cfarë thotë Trump:
“NATO është institucion i dalë mode sepse është krijuar para shumë viteve”.
“Së dyti, shtetet nuk janë duke paguar aq sa duhen”.
“Gjithashtu, NATO nuk e ka luftuar terrorizmin”
