Fillimisht përgatisni asparagët duke i pastruar nga pjesa e poshtme e fortë. Vendosini të zihen në ujë me kripë për 15 minuta. Kullojini dhe shpëlajini direkt me ujë të ftohtë që të ruajnë ngjyrën e tyre të gjelbër.
Ndajini në mes. Pjesën e poshtme ruajeni për kremin e asparagut, ndërsa pjesën e sipërme pritini majën rreth 2 cm dhe pjesën që teproi prijeni në feta të holla.
Përgatisni kremin e asparagut duke i bluar të gjithë përbërësit e tij derisa të bëhet një krem i trashë.
Përgatisni beshamelën duke vendosur gjalpin të shkrihet. Shtoni miellin përziheni me telin e kuzhinës dhe pastaj shtoni qumështin duke e përzierë vazhdimisht që mos t’ju bëhet kokrriza. Shtoni kripë, piper, pluhurin e hudhrës ose hudhrën e shtypur, arrë myshku dhe përziejini derisa të keni një krem të trashë. Hiqeni nga zjarri dhe përziejeni me kremin e asparagut dhe djathin e grirë.
Pastroni karkalecat dhe pritini në copa mesatare, vendosini të kaurdisen me pak vaj ulliri, hudhrat e shtypura dhe pak majdanoz të grirë. Bashkoni edhe pjesën e mbetur të asparagëve, atë që pretë në feta të holla. Shtoni kripë dhe piper.
Vendosni një tenxhere me ujë të nxehet me 1 lugë kripë brenda dhe sapo të ketë marrë valë hiqeni nga zjarri, shtoni në të 2 lugë vaj ulliri dhe kaloni një nga një në të të gjitha petët e lazanjës (duke i lënë pak në ujë) ndërkohë që po e formoni.
Lyeni fundin e një tavë me beshamel, vendosni një petë lazanje, shtroni sipër saj pak nga beshamela me asparag, shtoni pak nga salca me karkaleca, pak burata të thërrmuar ose mozzarella për ju që e keni përdorur dhe sipër vendosni një tjetër petë lazanje.
E kështu me radhë deri në sipërfaqen e cila do të jetë e lyer me beshamel, disa stika pishe, majat e asparagut që ruajtëm mënjanë dhe pak burata ose mozzarella.
Vendoseni të piqet në furrën e ngrohur më parë në 180°C për 25-30 minuta ose sa të shikoni që sipërfaqja të jetë bërë krokante dhe e pjekur.
Lëreni të pushojë paksa para se ta shërbeni.
Përbërësit:
- 1 pako lazanja të freskëta
- 1 tufë asparag
- 300 g karkaleca
- 2 lugë vaj ulliri
- 2 lugë stika pishe
- 2 thelpinj hudhra
- Pak kripë dhe piper të zi
- Pak burata (një lloj djathi italian), në mungesë mozzarella
- një tufë majdanoz
Për beshamelën
- 2 lugë gjalpë
- 500 ml qumësht
- 2 lugë miell
- pakëz kripë
- pakëz piper të zi
- pakëz arrë myshku
- pakëz pluhur hudhre, në mungesë gjysmë hudhre të shtypur
- 1 lugë djathë parmixhano të grirë
Për kremin me asparag
- një pjesë asparagu
- pak kripë dhe piper të zi
- 1 lugë vaj ulliri
