As në ambientet e komisariatit të policisë nuk jemi sot të sigurtë! Një ngjarje e padëgjuar më parë ka ndodhur pikërisht në vendin ku denoncojmë keqbërësit. Një gruaja i është vjedhur çanta nga një i ri, teksa priste në komisariatin numër 3 në kryeqytet.
Burime nga policia në Tiranë thanë se është shpallur në kërkim 33-vjeçari me inicialet K. H., nga Tirana.
Ky shtetas 1 ditë më parë në orën 11:30, në ambientet e sallës së pritjes së qytetarëve, në Komisariatin e Policisë numër 3, ka vjedhur çantën e një gruaje.
Mësohet se në çantën e gruas ndodheshin 160 euro dhe 1 telefon “Samsung”.
Pas alarmit të gruas,edhe pse ndodhej në ambientet e policisë, hajduti ka mundur që të largohet.
Ai është shpallur në kërkim.
