Franca liron Ramush Haradinajn. Gjykata në Colmar të Francës vendosi lirimin nga qelia për liderin e Aleancës për Ardhmërinë e Kosovës, Ramush Haradinaj, i cili akuzohet nga serbia për krime lufte. Pas shqyrtimit të dokumentacionit për rreth 1 orë, togat e zeza franceze vendosen që Haradinaj të lihet “i lirë me kusht” që të mos dalë nga Franca dhe të paraqitet tek autoritetet dy herë në javë, raporton “Indeksonline”, duke cituar burime të vetat brenda gjykatës.
Haradinaj hyri në seancë nën masa të rrepta sigurie. Por ai u shfaq duket i buzëqeshur një personi brenda gjyqit.
Serbia e akuzon Haradinajn për “Krime lufte ndaj popullatës civile gjatë vitit 1999”.
Në kërkesën serbe për ekstradimin e Haradinajt, e cila të martën i është dërguar Francës, është paralajmëruar se do të ketë fakte shtesë, të cilat para se gjithash kanë të bëjnë me urdhëresën për zgjerimin e hetimeve kundër Haradinajt, fakte të cilat janë mbledhur, ka thënë Kuburoviq, raporton “Indeksi”.
Ish-kryeministri i Kosovës ishte ndaluar një javë më parë nga autoritetet franceze, teksa ishte në udhëtim bashkë me familjen.